2012 - Конгрес на еколозите на Mакедонија со меѓународно учество

Во периодот 12 -15. 10. 2012 се оддржа четвртиот „Конгрес на еколозите на Mакедонија со меѓународно учество“ во чии рамки се оддржа и Симпозиумот на студенти биолози со интернационално учество. Конгресот опфати различни теми од областа на екологијата и заштитата на животната средина, преку презентација на над 183 научни трудови, од кои 82 усни презентации и 73 потери. Воведно предавање на првиот ден на конгресот оддржа проф. д-р Иван Раев од Бугарија на тема „Пошумување во услови на глобални климатски промени во Бугарија – проблеми, истражувањa и мерки за адаптација“ (Afforestation in conditions of global climate change in Bulgaria – problems, investigations and adaptation measures), по што денот продолжи со презентации на трудови од областа на:

• Структура и функции на терестричните екосистеми
• Популации и заедници, моделирање во екологијата

Вториот ден беше резервиран за теми од областа на:

• Биодиверзитет и заштитени подрачја на Балканот
• Животна средина, загадување и климатски промени
• Урбана екологија
• Еколошка едукација

а воведно предавање оддржа Акад. Владо Матевски на тема „Диверзитет на суви пасишта на варовничка подлога во центален и јужен Балкан“ (Diversity of dry grasslands on calcareous bedrock in the central and southern Balkans). Проф. д-р Златко Левков имаше воведно предавање на последниот ден на конгресот на кое нè запозна со „Дијатомејските истражувања во изминатите сто години на Охридското и Преспанското Езеро“ (A century of diatom research on Lakes Ohrid and Prespa). Потоа во едната сала конгресот продолжи со презентирање на трудови кои беа групирани во три сесии:

• Водни екосистеми под закана
• Пределна екологија и одржлив развој
• Агроекологија и шумарство