Датум на објава:
March 15, 2025, 9:50 a.m.
Со нетрпение и големо задоволство ја најавуваме и започнуваме сезоната на терени.
Првата демонстрациска еднодневна акција ќе се одржи на 22 март 2025 (сабота). Оваа еднодневна акција има за цел да ги воведе новите членови во методологијата на истражување во соодветно избраната секција. Истовремено ќе имаат можност да запознаат и постари членови со што ќе се запознаат подобро со дејноста на друштвото.
Теренската рута ќе се одвива во насока С. РАШЧЕ – ЖЕДЕН – С. РАШЧЕ. Поаѓањето е од 7.30 часот од Транспортен центар со автобус број 11. Доколку некој одлучи да дојде со сопствен превоз, возилото ќе треба да го остави во С. Рашче.
Сите кои ќе го користете ЈСП како превоз, напоменуваме да бидете до 7.00 часот најдоцна на транспортен центар. Линиите на овој автобус за време на викенд се во поредок временски интервал, па заради тоа неповолно е да испуштиме автобус.
Теренската рута е лесна и едноставна, наменета за нови и неискусни истражувачи, со слаба елевација, меѓутоа станува збор за рута од 12тина километри. Заради тоа, понесете соодветни обувки, поголемо количество на вода и храна, а секако со вас донесете ја и желбата за истражување. Што сè друго би требало да се понесе на терен можете да видете на постот на оваа страна насловен како Совети за теренска опрема.
Ве замолуваме да го пополнете вашето присуство овде.
Потсетник: на оваа истражувачка акција можете да ја обновите членарината доколку досега не сте го сториле тоа.
Ве очекуваме во што е можно поголем број и стари и нови членови.
Датум на објава:
March 15, 2025, 9:50 a.m.